■唐詩詠謂覺得沒需要特別向香香解釋。香港文匯報訊（記者 梁靜儀）陳展鵬、譚俊彥、唐詩詠，姚子羚、李施嬅、陳自瑤（Yoyo）、胡諾言、何廣沛及張國強等，昨日出席古裝劇集《天命》宣傳活動，適逢父親節，眾演員分組炮製菜式應節。近日詩詠被指因搶去岑麗香（香香）的演出，令香香心灰意冷而與無綫解約，詩詠直呼被此傳聞嚇倒，又指她的所有工作都由公司委派，這是做這行都會明白的，故沒需要特別向香香解釋。
唐詩詠近日被指因搶去岑麗香（香香）在新劇《解決師》的演出，令香香心灰意冷，因而與無綫解約。被問到傳聞時，詩詠大呼被嚇倒：「好誇張，誇張到嚇死我，一定唔係呢行嘅人至會咁講，我由入呢間公司開始，所有工作都係公司委派我去做，覺得呢件事有啲誇張同搞笑，因我哋嘅工作係需要一張長枱嘅人決定。」詩詠又稱並沒因此不開心，自己雖然在是非圈工作，但不會受這個是非圈影響，在這行十多年已練成金剛不壞之身。她謂覺得沒需要特別去聯絡香香解釋，因對方都是做這行會明白：「我入行第一個節目就係同佢拍一個日本旅遊節目，但就從未合作過拍戲，係有啲可惜，不過呢行好細，會相遇到嘅。（香香也親自承認約滿了？）佢講最好啦，唔使我講。」
昨日是父親節，陳自瑤（Yoyo）表示晚上會跟爸爸及老爺食飯慶祝， 老公王浩信（Vincent）因去了外地工作，待他回來後再補慶祝。問到女兒可有送禮物給爸爸？Yoyo說：「囡囡好有創意，好鍾意做手作仔， 應該都會送，（代Vincent送禮物畀老爺？）等佢返嚟自己搞。」近日有傳Yoyo主動提出離婚，問到囡囡可知情？Yoyo表示女兒並不知情：「小朋友係無辜，所以叫大家唔好亂寫，怕其他家長講會傳到入個女耳中唔開心。」Yoyo又透露女兒快將升讀小一，並考入了心儀的學校，覺得最緊要可發揮到小朋友優點及潛能。
展鵬受教訓將來要買樓
展鵬獲得一班粉絲到場支持，近日他捲入租務糾紛，問到可有新進展？他指幾日前已回應了，證據亦已拿出來，之後交由律師處理。問到與業主是否冇偈傾？他說：「有，合情合理合法下一定有偈傾。（日前回應後業主可有聯絡過你？）冇，一直都冇收過對方嘅律師信。」展鵬自言是幕前人，一定有受事件影響，但重申一定要在合情合理合法下處理，否則會亂龍。提到對方指他失聯絡？展鵬說：「我又冇返內地，其他唔再講喇，每人都有自己嘅處理方法，但我冇收過律師信追討，我自己唔熟樓宇嘅事，所以交由律師處理。」至於可會主動聯絡業主解決問題？展鵬強調問題之前已解決，若對方有理據就應該從合法途徑處理。他又稱其實只是小事一樁，身邊很多朋友都有遇過類似問題，經過這件事後，下次一定會謹慎。他認為業主和租客的關係就似僱主和僱員，僱員在為僱主賺錢，僱主不應用一些條款來欺壓僱員。說到他之前被影到買樓，問是否就快做業主？他強調只是家人做業主：「唔係我（做業主），睇下屋企人願唔願意租畀我，係唔係好業主？（會否自己買樓？）呢件事教訓我要買多幾層樓，自己做業主。」