■何雁詩為蘇永康紐約演唱會任特別嘉賓。香港文匯報訊（記者 凡文）何雁詩(Stephanie)為蘇永康(阿公)在美國紐約演唱會擔任特別嘉賓，Stephanie表示：「今次是自己首個北美地區的登台活動，好開心可以同阿公合作仲可以搵真銀。記得當日收到公司通知這個工作已即時興奮大叫，並表示希望可以合唱《從不喜歡孤單一個》及《來夜方長》，呢兩首歌完全係自己唱K必點，可以同原唱者同台演出好夢幻。」
Stephanie說：「阿公係當年自己參加《超級巨聲》時的其中一位評判，九年後可以同呢個自己好欣賞的前輩級男歌手同台實在好榮幸，我都唔客氣特別向阿公要求抱抱。佢好細心又好幽默，知我穿長裙超高跟鞋就走過來拖我上台，但係又會講笑話好似拖住個港姐出場咁，搞到我好緊張怕醜手心冒汗。」
Stephanie又說：「好多謝阿公畀咗好多意見我，阿公係一個好提攜新人嘅前輩，仲讚我唱歌有進步，呢樣係好重要。今次獲益良多，做登台show除咗要唱好歌，仲要識去兼顧帶動現場氣氛，點去令觀眾開心興奮都好重要，阿公好有經驗好利害，希望自己之後會有多些機會去學習。」