■林師傑感謝粉絲們對他的一路支持。香港文匯報訊（記者 梁靜儀）林師傑日前舉行了30歲生日會，當日一班粉絲為他慶祝，令師傑非常感動，他表示跟粉絲的關係比較緊密，大家就像一家人，無論開心或唔開心都會講出來分享。
師傑平日除了忙於工作，平時亦有跟一班粉絲一起做義工：「除咗我有活動時候出嚟支持我之外，平時我嘅歌迷會嘅身份係義工團隊嘅一分子，我哋試過去深水埗向長者派飯，我好開心大家有一個共同理念，幫助社會上需要幫助的人，回饋社會。」
參加無綫歌唱比賽《超級巨聲》入行的師傑，剛入行時有不少負面新聞，但無損一班粉絲對他的支持，令他感動不已：「9年唔係短嘅時間，我自己都係成長緊，身邊一班由完全唔識我嘅人，但係又對我好有信心，又好肯支持我嘅人，對我不離不棄，支持咗我9年，真係好開心，好感恩有呢一班人一路喺我身邊扶持住。」三十而立，他承諾會繼續努力創作多些好歌，做好自己及工作，希望會有好好成績，回報一班愛錫他的粉絲，以及同身邊每一位支持及信任他的家人和朋友。