■穿上高跟鞋的千嬅，做出高難度動作。香港文匯報訊（記者 植植）楊千嬅昨日推出新曲加精選碟《ONE ON ONE》，早前她為新碟拍攝封面相，見她撐住6吋高跟鞋做出恍如瑜伽般的高難度動作，拗腰、瞓地、俯身彎腰、單腳企、sit-up和抬腿等。原來千嬅花了近10個小時，換了8個造型，影過千張靚相，事後她笑言「好似影咗一本春夏時裝目錄」！
每次影唱片封面都令千嬅特別興奮，她說：「承接『三二一GO！演唱會』餘韻，推出新曲加精選碟延續回憶，過往精選碟通常簡簡單單用一張大頭相做封面，今次專登花好長時間換好多套衫，影一輯全新靚相，證明我公司非常認真對待音樂。」千嬅還解構碟名意思，她笑說：「《ONE ON ONE》即係買一張聽、買一張珍藏。」
首度挑戰唱Rock
今次新碟帶給千嬅很多新體驗，其中來自新歌部分的《搖滾之母》是千嬅首次唱Rock，她坦言最初有點擔心：「我嘅歌未試過節奏咁勁，呢個範疇（指Rock Music）以往唔敢隨便觸碰，容易惹起爭議。但自從演唱會同Carl（音樂總監王雙駿）合作好有火花、好多交流，加上反正人生在倒數，乜都要試。Carl話Rock嘅文化係有話直說、係一種態度，唔需要太介意或計較用咩方式表達。」於是他們邀請了黃貫中（Paul）作曲和林海峰（Jan） 填詞創作《搖滾之母》，加上Carl和千嬅， 四人都已為人父母，演繹這個題材特別到位。千嬅說：「 我有諗人哋會唔會覺得我係家庭主婦唔啱唱㗎？但Carl話唔使擔心，結果我聽咗Paul作曲，覺得好正，再搵埋Jan填詞，佢嘅詞唔使懷疑，一針見血得嚟又好有幽默感，呢首歌帶畀我好大驚喜。 」
至於「精選歌」部分，千嬅亦嘗試了新方式選歌單，她說：「我好感激每位喺楊千嬅音樂路上遇到嘅老師、知音，所以請佢哋揀歌，成為精選部分。我曾經諗過佢哋會唔會揀啲好冷門嘅歌？ 甚至連我都遺忘咗嘅歌？其實咁又有乜所謂，可能更有新鮮感，唔一定人人都識嘅歌先至可以放入精選碟。」被邀請的包括DJ好友、造型師、唱片界幕後功臣、歌手、前助手和歌迷等， 並寫下與千嬅的小故事。其中老公丁子高化身「歌迷」選了《煉金術》，他留言放閃：「因為呢首歌係我第一次真正認識佢嘅時候，喺坉惚e唱畀佢聽嘅歌。 」