■沈震軒(中)與一班好拍檔共同創作追夢歌曲。香港文匯報訊（實習記者 張雅婷）沈震軒（Sammy）近日便與好拍檔莫凱謙、Rex共同創作追夢歌曲《不枉》，同時找來「享樂團」主音Andy合唱和出名嚴謹的音樂人舒文為他們擔任新歌監製。
《不枉》希望表達任何年紀都可以追夢，故邀請Joe Junior飾演老年版的自己。Sammy佩服說道：「Joe Junior完全演繹到我想要嘅嘢。」被問到老年會否繼續追夢，堅持對音樂、演戲的熱愛，Sammy自言為人老土：「老咗可能體力唔夠，追夢方式唔同，不過學周星馳話齋『做人如果無夢想，同條鹹魚有咩分別呀？』只要我一日有魄力，一日未斷氣，一日都唔會放棄追夢！」
提到下半年的音樂發展，他為主演的內地網劇《懸骨冊》主題曲包辦詞曲，另外下半年會再推出全新廣東歌，為年底推出EP作好準備，而同一時間Sammy希望與不同的樂壇前輩合作，「例如陳曉東，東東係我唱K時代嘅偶像，希望可以寫歌畀佢或者合唱啦。而安仔許志安就係我講咗好耐想合作，現在都寫緊歌，自己覺得完美先會交『功課』。」