反對派中人慣咗盲反，偶爾「良心發現」支持政府，本來唔係壞事，但佢哋嘅支持者有時跟車太貼，結果就俾人恥笑囉！被指為立法會資訊科技界議員莫乃光隻「狗」的「前線科技人員」，轉發咗特首林鄭月娥早前訪京見亞投行行長金立群時，話政府已獲立法會授權撥款1,000萬美元，作為亞投行「準備項目基金」嘅新聞，仲話香港做咗水魚喎！不過，鬧人前搞清楚先，如果撥款好似佢哋口中咁「不堪」，點解莫乃光當日投票時，會投贊成票嘅？呢吓回力鏢，真係中到應一應。
無睇主人面 亂砌亞投行
反對派的立法會議員，逢政府申請撥款例必順口溜咁，工程就一定係「大白象」，投資香港發展就一定係「利益輸送」，令到成班支持者未經大腦思考就跟住講。不過，有人偶爾「良心發現」，投票支持個別撥款項目，班支持者轉唔切彎，就好易鬧笑話。
話說「前線科技人員」轉發咗林鄭講撥款1,000萬美元作為亞投行「準備項目基金」嘅新聞，非但辱林鄭為「777」，仲將說話套落佢個口，「如果我係一條水魚，你就係令我甘心受騙嘅賊仔」云云。
中文大學「獨」講師劉正又嚟料，話自己想像唔到「前線科技人員」「呢班IT走狗可以有幾無知/幾無恥」，質疑佢哋「點解提都唔提當日亞投行60億撥款，民主黨、公民黨同專業議政，無出席嘅無出席、倒戈嘅倒戈、話反對最後棄權仲要早退趕去黨慶迎接你地（哋）口中呢個『777阿婆』，呢班垃×圾點解你一句聲都唔×出？」
「獨」師寸「飯民」表裡不一
佢話，立法會當日審議亞投行60億撥款議案，大量「飯民」議員缺席，包括民主黨嘅畟唹荂B黃碧雲、尹兆堅、鄺俊宇，街工梁耀忠，衛生服務界李國麟，教育界葉建源「投票同出席會議都無做到」。
劉正仲點名早退嘅公民黨陳淑莊、譚文豪同郭榮鏗，「因為當日佢地（哋）覺得早啲準備當晚黨慶迎接權貴係更加重要，竟然未等投票已衝去黨慶會場！」
佢話最可恥嘅一定係公民黨，因為響表決前幾日，佢哋先喺fb發表多次聲明，話反對亞投行撥款，郭家麒仲要剪埋自己響立法會會議嘅發言片段，形容撥款亞投行「猶如倒錢落海」，「點知第二日就轉投棄權票，而且亦無任何解釋！然後一眾黃屍媒體當然又係扮睇唔倒......係咪『飯民』唔屬於政府一部份，所以就唔駛（使）監察？」
劉正仲點名當日投支持票嘅民主黨胡志偉、林卓廷、許智峯，同「專業失德議政」嘅梁繼昌同莫乃光，「最×離譜都係你地（哋）班IT走狗嘅主人莫乃光『連中兩元』，先響60億亞投行撥款，再響包埋呢1,000萬美金嘅財政預算案投贊成票；而你班IT××仲要不停幫佢吹噓造勢，但佢出賣選民啲往績就提都唔提，究竟邊個係『甘心令我受騙嘅賊佬』，仲唔係你班IT走狗？而成班黃屍ON ×被蒙在鼓裡都唔知，咪×係比（俾）前線科技人員呃×嘅『水魚』囉！」 ■香港文匯報記者 陳川