■陳智燊昨日擔任剪綵嘉賓。香港文匯報訊 （記者 植植）陳智燊（Jason）昨日為教育中心擔任新校的剪綵嘉賓。原來Jason入行前都做過補習老師，他說：「我阿姨係做補習老師，啱啱返嚟香港�H時候，我都有part time幫佢，都做咗成年。我覺得件事好有意義，可以幫到小朋友，之後入行同阿姨講話唔教，都好唔捨得。有時喺街見返以前教過的學生，都好開心。」
老婆宋熙年（Sarah）的預產期為兩個月後，Jason透露東西都準備得七七八八，有朋友向他表示現在不是最辛苦，最關鍵是入學，「他們話最難應付係入學，幾時去乜學校、可能又要做義工、可能要搵校長或者係某間學校主席去幫幫手，但原來無論你識邊個都好，聽講其實係幫唔到。會感受到佢哋講入學嗰個壓力，但希望到時唔會被呢樣嘢令到自己或者小朋友唔開心、緊張。現在最主要係照顧Sarah，希望佢休息多啲，懷孕期間所有嘢都順順利利。」
入學問題可以暫時放在一邊，不過尚有一個迫切的問題「殺埋身」，令Jason非常緊張，就是剪臍帶，Jason直言：「我真係好緊張！醫生已經不停同我講放鬆點，佢話剪臍帶好簡單，就好似我今次剪綵咁樣，希望到時Sarah順順利利，我『剪綵』都順順利利啦。」