■李亞男香港文匯報訊（記者 植植）李亞男昨日現身沙田為梳化店擔任揭幕嘉賓。亞男身形和臉形未見走樣，她笑指有時自己也忘記腹中BB，不自覺地越行越快，而平日都有行公園做運動令身體再強壯。
亞男說：「懷孕至今身體未有出現嘔吐情況，只是初期較攰易眼瞓，相信BB都吸取好多營養4個月，最近開始感覺到BB有少少喐。（性別？）稍後公佈，但通常大家指頭一胎係女會似爸爸，如果係仔就似媽媽。」
好姊妹如鍾嘉欣提議自然分娩較好，亞男自認超級怕痛，但又知道自然分娩復原快，加上自己骨架大應該易生，現時仍思考當中。問到老公王祖藍是否已答應陪伴入產房？亞男透露：「呢個都係考慮�H其中因素，因為如果我穿羊水時，爸爸喺台上做嘢，咁我就會好失望；若果係開刀，咁爸爸就可以請假，所以爸爸個期都好緊要。」