■楊受成特別筵開八席搞慶功，慰勞一眾台前幕後工作人員。香港文匯報訊 舞台劇《奪命証人》17場演出終於圓滿結束，前晚老闆楊受成特別筵開八席，慰勞一眾台前幕後工作人員，大家開心慶功由晚上7點玩到凌晨12點，楊老闆及三位演員劉嘉玲、謝君豪、秦沛（Paul哥）最後更合共拿出近十萬元現金給大家大抽獎，人人盡興而歸。
由排練至每日上舞台，時間長達幾個月，終於不用開工，但一眾演員卻依依不捨，於慶功宴上戲癮大發，竟然玩搞笑版《奪命証人》，亂「爆肚」講搞笑對白，令大家笑到碌地，十分開心。
謝君豪表示做這個舞台劇一共有三個「好」，好開心，好舒服，好累。但總結也是開心多於一切，舞台對他來說是生命中不能分割的部分，所以就算其他工作再多，他也一定時不時返回舞台。
劉嘉玲坦言非常享受於舞台上演戲，「舞台真係帶畀我好多滿足感，又令到我演技不停進步。拍電影，拍電視，真係唔便咁畀心機，舞台就唔同，係另一樣嘢，係要真功夫，舞台令到我更尊重演員呢個職業，演員其實唔係淨係得緋聞，八卦新聞，演員其實係藝術家來的，要喺舞台上面做得好，一點也不簡單，要吸收很多嘢，很多生活上體會，才能做到一個真正演員。我好鍾意舞台，做舞台劇係一個釋放我嘅平台，我會繼續努力，希望可以喺舞台上做多些，令香港舞台劇藝術發光發熱。」
過程跟秦沛期望不一樣
Paul哥第一次做舞台劇，他坦言當初答應演出是因為自私，覺得從演70年，就欠一次認認真真的舞台劇，不過假如接之前知道是那麼辛苦，他就一定會拒絕，寧願不接，他說：「舞台劇個過程同我期望唔一樣。電影電視我做咗七十幾年，拍電影電視每次都係新鮮，無論對白，無論劇情，每一日都係新挑戰，但係舞台唔一樣，幾個月來排的都是一模一樣的對白，上台又係一模一樣，日日都係嗰句，坦白講有啲悶。但係大家鍾意的不同，所以希望你哋繼續努力，我就算日後唔會再做，都一樣為你哋加油。」
利智爸爸利永錫，做了舞台劇68年，準備演完這個舞台劇之後便退休。慶功宴上，利叔非常感動，又大讚嘉玲做得非常之好。提到女婿李連杰來探班，他更哽咽表示：「我同佢講，我真係做得好開心，佢話老竇你開心便可以了。唔知點解我就好感動。」