徐雨石上季贏四十場，排練馬師榜第六，田草只贏得五場，是上季田草頭馬最少的練馬師，反而泥地賽成績相當出眾，與羅富全同樣贏十五場，是上季贏泥地賽最多的馬房之一。此外，徐廄上季在谷草贏出二十場，其中十三場是谷草一哩，此點值得留意。徐雨石歷來喜歡部署自購馬在谷草中距離搏殺，好似上季三勝谷草中距離的「雷公鑿」及「靚紫荊」，另外「勁嘉輝」上季亦曾兩勝谷草一哩。
李易達不獲續牌，最近有八駒轉投徐雨石，當中有五匹是自購馬。七歲澳洲自購馬「佳運來」（圖10號），大前季來港隸屬吳定強，插班後連輸九場，前季初轉由李易達訓練，轉廄後首戰即爆三十倍贏馬，近兩季上陣取得四冠兩亞一季三殿，表現準繩。「佳運來」在港四勝都是田草千四米，翻查其血統，上下線配搭顯示泥地性能相當好，此駒來港初期跑過兩次泥地落敗，但當時狀態及進度皆未及水準，未可作據。「佳運來」在港跑過三次谷草一哩都係前段落後，輸跑法太被動，但谷草肯定啱跑。其實，「佳運來」過往亦曾經以守好位跑法贏馬，證明本身絕非完全欠缺前速，七歲自購馬新季如報跑泥地賽或谷草隨時有突破，值得留意跟進。