上周六在沙田馬場舉行大型戶外嘉年華「開季試閘樂滿Fun」，合共一萬二千名入場人士。今年場內有巨型積木EverBlock和屢獲獎項的港產玩具4M等大熱的玩具品牌帶來刺激的STEM遊戲。此外，一系列親子活動，如備受歡迎的「小馬策騎樂」和「與雪特蘭小馬合照」，大型充氣遊戲、親子障礙賽及創意藝術工作坊等，均令小朋友及其家人們樂在其中。
騎師競跑向來是「開季試閘樂滿Fun」的其中一個焦點，今年這項錦標一如去年以接力形式競逐，每隊由兩位騎師組成，在100米的途程上進行接力賽。今年卻出現戲劇性賽果！就係新公司騎師利敬國，本來已率先透出，但去到終點前突然腳軟倒地，緊隨其後的田泰安乘機突圍，完成騎師競跑三連勝。
之前已連勝兩屆嘅田泰安，今次騎師競跑孖住潘明輝做拍檔獲冠軍、周俊樂夥拍巫顯東就得亞軍，而第三就係潘頓與黃皓楠。冠軍組合獲得五千元獎金，亞軍獲得三千元獎金，季軍則獲二千元獎金。