■楊怡現養尊處優，樂做幸福少奶奶。與羅仲謙結婚2年多，楊怡不時做「跟得夫人」，陪謙仔出埠拍戲。以前忙工作，楊怡把身體捱殘了，現在只想放慢腳步，把身體養返好。至於大家常追問的問題「何時生BB？」，阿怡明白很多事不可急，老土講句，生BB真的是等天賜的禮物。
早前，楊怡跟一班相識20年、同是第13期藝員訓練班出身的一班同學相聚，當中這班人於娛樂圈的成就不一，當中如林峯已是一線演員，至於其他人如徐榮、楊明，還不時遊走於配角與主角間。回想入行20年，貴為昔日的「無綫一姐」，楊怡感恩自己一步步在這行累積經驗。
「早前同林峯、徐榮、楊明及張美妮等相聚，原來不經不覺間已經20年。嘩，時間真的過得好快。以前咩都唔識，試拍《流金歲月》時，被導演話我的戲好誇張。那時拍完《婚前昏後》，外邊評價幾好，自己當時聽完導演一番話，我有種從高處『嘭』一聲跌落谷底的感覺，好唔開心，到現在都記得嗰種感覺。但也因為被人話，令自己更加努力做好些，其實好多時諗返轉頭，大家想件事好先出聲，冇這些出聲的導演、PA，唔會有現在的楊怡。」
與羅仲謙拍拖6年，2016年在英國行禮後，同年10月在港擺酒，婚後愈見恩愛，不時在微博放閃。謙仔努力工作養家，楊怡則養尊處優，樂做幸福少奶奶。閒時做「跟得夫人」，上內地劇組探老公班。
夫妻間財政獨立
「其實謙仔工作好忙，成日都要回內地拍戲。之前我又要返內地做舞台劇，試過一期，大家都忙，有成3個月冇見面。如果有時間，我就會上去探下佢班，陪下佢。當然，好多人都話內地好多引誘，但謙仔又唔食煙又唔飲酒，平時在片場休息時，最多只去做健身。最重要我們是財政獨立，我冇用佢錢，佢又冇用我錢。食飯就一人畀一餐，見到鍾意又啱坁甄妒哄A都會買來送畀佢，至於我喜歡的禮物，有時咪買完佢畀返錢我。公一份婆一份，都可以算是有backup（支持），最少租金可以多個人分擔。我們放假就會去旅行，佢會為咗我而拎背囊，因為我將啲水、旅遊書、遮塞晒畀佢拎。」
演舞台劇壓力太大
2016年，楊怡決定離開效力了17年的無綫往外闖。在香港的曝光少了，但其實楊怡的工作十分充實。先是與黎燕珊、梁琤及朱慧敏等於上海完成經典舞台劇《我和春天有個約會》的演出，之後又與呂頌賢演出舞台劇《72X房客--尋找幸福的歲月》。翌年演了2個舞台劇，再拍了《再創世紀》，楊怡坦言足夠了，未來要休息一下。
「錢對於我們來講，夠用已好。當年為工作日夜拚搏 ，現時將家庭放首位。婚後事業心沒那麼重，很多時都會留在家中。以前因為工作沒時間陪媽咪，現在好深閨，沒有工作時，都是在家陪伴家人，我們同媽咪一齊住 ，有佢煮東西畀我們吃，好幸福的。之前做了2個舞台劇，觀眾的即時反應，令我好滿足，但暫時沒興趣再演舞台劇了，因為消耗精力好大，做半年就好像消耗了一年的體力。要不斷排練都唔緊要，但上台不能出錯，就令精神壓力好大，要好好休養下。至於生BB ，真係冇得急，只可隨緣。」
採訪：植毅儀
攝影：彭子文
服裝：ATSURO TAYAMA
髮型：Hanmi Hair
化裝：TY
場地：香港九龍東皇冠假日酒店