■霆鋒指大排檔的「肉醬煎蛋飯」是他小時候的味道。香港文匯報訊 謝霆鋒最近跟連鎖快餐店crossover推出漢堡包，創作靈感來自香港特色風味及自己對家的感覺。霆鋒還特別為今次的合作而創作全新廣告歌《青空》。前晚廣告MV齊齊出街，講起廣告MV，霆鋒跟團隊去了全港多個特色地方拍攝，最難忘是尖沙咀海防道的大排檔。
霆鋒表示：「我覺得大排檔好香港、好香港風味。」所以一去到大排擋，霆鋒即刻叫咗個「肉醬煎蛋飯」，更指這是他小時候的味道，「因為呢一種肉醬有一個屋企嘅感覺。當然你話肉醬，可能大家會諗，係咪講緊意大利嘅Bolognese嗰種肉醬意粉嘅肉醬呢？呢個始終係屋企嘅肉醬，所以今次會特別希望將呢一種風味擺落一個餐入面。呢啲係我哋好似曾相識嘅味道，但係未見過佢擺入一個hamburger度。」
提到「家的感覺」，霆鋒稱這幾年常被人問哪些是其家常菜，但其實他很少在家食飯，反而片場才是他的「家」、片場的飯盒就是他的家常菜，「我真正嘅家常菜係我拍緊戲嘅時候，接到阿姐個盒飯，攞住個飯盒同好多工作人員一齊喺燈光底下踎喺度食，呢個對我嚟講，就係我嘅家常菜，我屋企嚟㗎。」