第六場､第四班､一八○○米。「王者再現」姚廄中長途搵食馬，季內已跑過三場，表現仗比仗好，經過連番實戰提升狀態，埋門已見跑起了心火，日前由助手彈閘走勢比前爽朗，今晚換上手風正順嘅何澤堯出戰，勿因這駒欠缺泥地賽績而掉以輕心，在此應有用武之力。
第七場､第三班､一六五○米。「越影」上季唯一勝仗正喺泥地千二，該役殺低泥地怪傑「藍天堡馬」，可見現處三班必有優勢。再看今季首兩仗揀田草千四及谷草一哩上陣，場地或路程都不是其所長，跑得差輸得遠完全正常；前仗回到三班縮爭谷草千二仍未見真章；上仗轉戰泥地千二蝕位追都接近；今次小方捨短報長轉戰一哩，提防換黃俊減磅冷門郁手。
第八場､第三班､一二○○米。「精算閃擊」上季連番拚搏未能一逞，然而今季跑過兩仗，上仗復爭泥地千二配潘頓操刀見獵心喜，惟這仗潘頓入彎掛住封死「冰糖葫蘆」，最後打衝鋒跑梗頸四；今次換祈仔再戰，交出水準當有拚勝之力。