第三場、第二班、一六五○米。今場九匹馬列陣場合，屆時步速快慢難估，如果部分騎師早段大家禮禮讓讓，可能步速會拖得更慢，這類局面季內可以講係見慣不怪，亦因此擺在前走之馬未必承受壓力，隨時可以由頭賺到尾。大摩馬房今場有「人民武士」及「美麗鉅星」作雙龍出海，估計主力應放在「美麗鉅星」身上，此駒雖然已是六歲中年，又係在港跑至第四季，不可能期望馬匹再有進步，目前分數相當吃緊，若非配上見習生黃俊減七磅排埋一檔起步，該不會作為馬膽，希望今場賽事形勢近似上季尾贏馬一役，享受慢步速帶返。
第七場、第三班、一六五○米。「六十六十」來港前在法國首三戰膠沙地千五及千六米獲兩冠一亞；接着挑戰草地千六米表列賽聖柏德烈錦標跑第三，而一五年這錦標冠軍乃「無敵飛龍」，曾在港四捷。「六十六十」的父親「小鎮風情」曾奪五項千六米一級賽勝仗，而「六十六十」的同母哥哥「法國十五」曾經六勝一千至千六米，包括兩歲一級賽千六米準則國際賽，可見兩線以中距離最合發揮。「六十六十」今季頭兩場跑千二米作熱身，上次轉爭泥地一哩即跑第三，今次試準場地再來有力出冷。