■Aaron閒時愛「露兩手」奏中樂。 受訪者供圖有言道「香藥同源」，若調配得宜，香亦具保健作用。Aaron在研究香藝後，自言精神放鬆，還甚少患傷風感冒。不過，要調出既香且有保健作用的「合香」，則少不了基本的中醫藥知識。「因為香粉多由中藥而來，唔同嘅中藥有唔同功效，調配得唔啱就會相沖。」Aaron指，不同的香粉會對人體部位產生不同影響，故需有關知識才能調出「安全」的「合香」。
Aaron除對中藥、香藝有研究外，愛穿古漢服的他更是傳統文化愛好者，中樂、中國戲曲及茶道，亦是他那杯茶。「我原本學鋼琴，但小四睇咗第一場中樂後就愛上咗。」
Aaron稱，他在工餘時會教授香藝班外，亦會在佛教青年協會的中樂團玩樂器。「雖然我冇考級，但我又乜樂器都識啲，所以邊度缺人我就去頂位。」被問到品味如此獨特，曾否遭朋友白眼，他笑笑說：「我不嬲都係怪人，佢哋都冇乜嘢！」