■衛詩雅香港文匯報訊 近日在內地忙於拍攝電影的衛詩雅（Michelle），早前特意從江門趕回港一天，拍攝彩妝隱形眼鏡廣告。雖然舟車勞頓體力上很辛苦，但Michelle說內心非常興奮。原來Michelle由入行開始，已經好想拍隱形眼鏡廣告，她說：「我記得曾經有個男朋友同我講，話我對眼識得講嘢。我成日覺得呢樣嘢好特別，加上眼睛是人的靈魂之窗好緊要，拍隱形眼鏡廣告人哋可以好聚焦喺你對眼度，同埋多數隱形眼鏡廣告都會拍到個人好靚，所以我好想拍隱形眼鏡廣告！今次無論幾辛苦，我都好興奮！」
Michelle拍攝電影維持3個月，要拍到下年1月，所以無論生日、聖誕，還是元旦，Michelle都在內地拍攝中度過。「雖然聖誕要在工作度過，不過我有同劇組、演員講我哋自己搞party，大家交換禮物準備聖誕卡，喺帳幕貼滿晒聖誕卡，起碼有點聖誕氣氛。」聖誕節即將來臨，雖然Michelle要在工作中度過，不過她說，想像中最浪漫的聖誕節是要跟男朋友一起過，Michelle笑說：「聖誕節是好浪漫的節日，確實係要同男朋友過。我由細到大都有個幻想畫面，出面落住大雪，喺一間木屋入面有好大棵聖誕樹，我同男朋友喺火爐邊一齊睇書。我想過咁樣的聖誕，我覺得好靚呀！好似拍緊戲一樣！」