■阿Sa在《非分熟女》中跳鋼管舞。香港文匯報訊（記者 梁靜儀）蔡卓妍(阿Sa)昨日到旺角某戲院出席電影《非分熟女》謝票，並跟現場觀眾玩遊戲送辣椒油。戲中阿Sa有一場於浴缸自慰意識大膽的戲份，阿Sa表示這場戲是有少少向西片《 鋼琴教師》借鏡，至於為何要打橫坐，純粹是角度靚，加上導演自己一套美學角度，當初接拍這部戲有少少是受對方影響。說到她跳鋼管舞的相片曝光， 問到事前可有刻意操fit？ 阿Sa說：「冇刻意，因為戲中我做普通人，所以係完全冇理自己身形， 但有練了一排鋼管舞，覺得好玩，（有冇瘀？） 拍戲時腎上腺標到好高，所以冇feeling ，拍完至知原來隻腳瘀晒，指甲爆晒缸 ，十指痛於心，但拍完都想繼續學，(增加情趣？) 唔好凡事都喺呢個方面諗，都係一種運動，（更有女人味？）更加了解自己。」阿Sa又坦言最初不敢着性感舞衣，第一次是着運動褲上堂，但見到個個同學都穿跳舞衫，自己反而覺得好尷尬。穿上性感跳舞褲的阿Sa沒半點贅肉，阿Sa就教大家一個獨門秘方：「 在條褲pat pat位車多條摺位，就唔會唧肉，之後買泳褲仔都會拎去車個摺位。」
聲帶出現問題
有傳阿Sa聲帶出現問題， 唱歌工作都要停下：「 呢個問題已經纏擾了年幾兩年，所以唱歌工作被迫完晒，醫生話要轉另一個位，好多人介紹醫生我都有睇，係發聲位過勞， 要唔講話幾個月，可能係上天一個啟示。」 說到她可以演啞女角色，阿Sa笑言那就要先學手語。阿Sa與男友石恆聰感情穩定，問到結婚問題， 她表示現在狀態開心，下秒鐘發生什麼事沒人知，個天會話你知。 問到會否秘密結婚？阿Sa帶笑說：「唔會， 瀨過一次嘢，都想得到大家祝福，（ 好似阿嬌咁大事鋪張？）冇諗。」