■《法證先鋒IV》舉行拜神儀式，謝賢、米雪、黃浩然、李施嬅、譚俊彥、朱晨麗、陳煒、黃心穎及鄭希怡等演員均有出席。香港文匯報訊（記者 梁靜儀）TVB劇集《法證先鋒IV》昨日於電視城舉行拜神儀式，謝賢(四哥)、米雪、黃浩然、李施嬅、譚俊彥(Shawn)、朱晨麗、陳煒、黃心穎及鄭希怡等一眾演員均有出席。劇集總監製梅小青大讚四哥演得很好，四哥表示自己已很久沒拍戲，感到很生疏，但見到大家都很歡迎他返來很開心。米雪指日前將四哥的相片放上網，個個都學他側身個Chok樣。
李施嬅在劇中飾演法醫，近日每晚都要通宵拍攝驗屍劇情，但就感到好醒神，她笑說：「每晚男男女女都剝晒衫畀我驗，基本上得底褲，都幾刺激，他們都好專業，其中有個女仔要俾我驗下陰，對方真係擘開對腳，犧牲好大又專業，不過其中俾我驗的黃致豪就正啦，佢唔使驗下陰，但其他部位都摸過。」問到施嬅連開多晚通宵可捱得住？她表示現時仍捱得住，而日前去睇醫生時被驗出血壓偏低，醫生都問她為何仍可行路，其實她有時行路都會搖晃。
黃浩然也替扮屍體的演員辛苦，不過他們拍這部戲都很辛苦，經常不夠瞓，經常清晨時分要講很多很難的對白，大家都打醒十二分精神，互相鼓勵。
朱晨麗「投訴」譚俊彥誘食
再度合作的譚俊彥與朱晨麗，劇中是上司與下屬的關係，Shawn透露傳說中他是跟陳煒演一對。朱晨麗表示劇中有打拳戲份，要以Bra Top出鏡，為了身形更靚要開始操弗及節食。阿Shawn說：「唔畀佢食東西，唔係個『豬腩肉』凸咗出來唔係咁好。」朱晨麗就「投訴」Shawn好衰：「佢邀請我們去佢開的餐廳食東西，太好食，忍唔到口。」
阿Shawn表示最近首次開餐廳做飲食生意，他與中學同學於土瓜灣合資開設西式餐廳，餐廳目前正在試業，因為之前未請到廚師，他要帶住兒子到街市買餸、下廚，甚至洗碗都要做。朱晨麗大讚他是廿四孝老竇及廿四孝老公，好吸引。