■鍾欣潼37歲生日，老公聯同好友一起為她慶祝生日。香港文匯報訊 昨日是阿嬌(鍾欣潼)婚後第一個生日，前晚成班friend就為阿嬌搞了個生日P，除了老公賴弘國，當然還有鐵腳「龍虎蛇」的容祖兒、蔡卓妍(阿Sa)，其他還有鄭希怡、楊受成細仔楊政龍、關智斌，英皇娛樂演唱會部策劃及總監馮貽柏、經埋人等都有出席。
本來呢個應該係一個神秘生日P，不過最後都係畀阿嬌發現，阿嬌話：「我們WhatsApp有個group，之前係for Kenny的生日group，佢個party完咗後就加返佢入個group，但有一日我突然發現我畀人踢咗出group，咁我都估到她們會幫我搞生日。」而踢阿嬌出group那個就係阿Sa，「我周圍問其他人，阿嬌睇唔睇到佢畀我踢出group？哈哈」至於生日願望，阿嬌就笑說：「秘密。」