今晚谷草安排首次豬年夜賽，九場賽事以B欄C彎跑道作賽，頭場提前至下午六時四十五分開跑，全晚重頭戲為跑馬地錦標，今晚亦是跑馬地百萬挑戰盃壓軸戰。練馬師方面，蔡約翰、方嘉柏及霍利時均派出不少實力馬參戰，可優先留意。騎師方面，潘頓、雷神及李寶利皆手執多匹惡馬，可作為扶手棍看待。
第一場、第四班、一○○○米。「電子大師」今季初出谷草千二，雖賺快步速贏馬，但末段衝勢姿態輕鬆；翌仗轉場沙田跑千二也入Q；前仗回師谷草，當日不利外疊及後追，祈普敦轉彎時兜出三疊，直路最後二百推兩步又修正，跑來完全沒有誠意亦得第四；上次抽番好檔位即殺入亞席；近課出試仍有啖火，今賽以逸待勞，機會仍可看俏。
第二場、第五班、一六五○米。「金錢炮」前仗谷草一哩後上得亞，此役主要輸了一點運氣，因為轉彎入直路時被對手「喜悅明駒」封其去路，最後要在中內欄搵位展開衝刺，結果僅負頭馬「勁勇威龍」頸位；上仗再爭此程，堯仔兜出外疊入彎後發先至作補中；現打鐵趁熱值得追寶尾。
第三場、第四班、一二○○米。「盈華盛甲」今季五戰，除初出谷草千二表現較差外，打後四戰出爭三個場地短途賽皆跑得接近；看上場縮爭谷草一千，路程表面略短，惟在史卓豐胯下末段打衝鋒追勢勁強，最後只負於「一拍即合」短頭位出冷不遂；拚後復課慢踱所見狀態保持銳利，加上今次對手只屬一般，如下決心打硬仗，已有足夠條件衝擊頭馬。
第四場、第四班、一六五○米。「活力勇士」接連三場於谷草一哩搏失，其中兩役所負距離界乎馬頸與短頭之間；上仗配雷神搏殺，可是入彎取內欄受困而熱倒，相當欠運；復課出跳力貫四肢，態況依然出色，今仗只要取位順利，有望打響勝門。
第五場、第三班、一八○○米。「合拍威龍」對上四場賽事交出一冠一亞兩殿，自購馬今季全面適應水土，戰鬥力越來越強；事實上以其前仗贏馬姿態，實力已非同班馬匹可比，除非今次鞍上人跑到超錯，不然闖進三甲呼聲甚高；看上仗因排十二檔以致全程跑得被動，才導致鞭長莫及，今賽如有好形勢配合，應有力衝擊季內第二W。
第六場、第一班、一二○○米。「醉多福」A布馬今季專攻谷草千二，觀乎季內初出能力壓「好吉利」獲勝，證明在此組分量十足；打後兩仗輸得肉酸；前仗回配潘頓兩戰同程跑亞季各一，尤其上仗不敵蔡廄當打之輩「鄉村瑰寶」敗不足辱；今次小休兩周再戰，絕對有本錢補中。
第七場、第一班、一六五○米。「龍船鼓響」季內跑至第四仗配潘明輝勝出田草千四；前仗原庄配搭再戰，跑來亦見虎虎生威，只不敵「以奇用兵」非戰之罪；上仗轉戰谷草千八，後上與「精明才子」串Q；今仗縮爭谷草一哩亦合腳法，隨時再有驚喜表現。
第八場、第三班、一六五○米。「安騏」轉投摩廄後表現進步，初出即輕勝「威進駒」和「四通八達」，賽績夠硬淨；之後兩場均負重磅，分別敗於「夏威夷」和「繽紛遊戲」兩匹強手；上仗轉戰谷草一哩配黃俊減磅，鞍上人發揮出色取得季內第二W；今次列陣評分上調嘅三班一哩，當有添食資格。
第九場、第三班、一二○○米。「弛曜風」蔡廄短途新馬精英，季內四戰取得三冠一季賽績秀麗，自從改跑田草千二後三戰未逢敵手；看上仗起步唔快，早段沿欄順走，轉入直路雷神見前無去路，當機立斷抄出外疊打衝鋒，最後撻着車頭打疊三W；今次乘銳勢重返窄場，可爭四連捷。