■林作撐着枴杖到場。香港文匯報訊（記者 梁靜儀）林作、梁祖堯、湯駿業及E-Kids等，昨日為林曉峰、陳俞希及英健朗主持的ViuTV節目《Good Night Show發洩擂台》錄影，剛割完雞眼的林作為了贏取獎金，更不惜要帶傷上陣爬紙箱。
撐着枴杖到場的林作，到場後即坐下除鞋，見到他的右腳腳趾公包着膠布，他表示因右腳生雞眼，日前入院做手術割除，他說：「人生第一次做手術，粒雞眼好大粒，影響着鞋同踢波，醫生話快就兩個禮拜好，慢則要三個禮拜，但我好返第一日就因為郁，搞到傷口爆線，因為個醫生冇同我講清楚唔好郁咁多，我仲揸車不停踩油，隻腳紅晒爆晒線，第二日要再入院。」
其舊愛麥明詩早前為慈善踩單車同樣傷腳，說到他們同病相憐？林作即扯開話題，後來經追問下才說：「我點好意思答別人的事，(有冇慰問麥明詩？)今年我要洗心革面，行專一同深情形象，唔講女仔，講男仔好些，所以真係答唔到。」
對於早前在網上自稱破產，林作解釋網上發文都是搞笑：「有人當真都冇辦法，我只係在街睇到街招寫住牛津畢業幫人補習一個鐘收一百蚊，有乜理由呀？覺得個廣告太假一定係騙子，牛津畢業最少都收多十倍。」