■Gigi紅噹噹打扮主持轉主板儀式。香港文匯報訊（記者 李思穎）黎珈而（原名黎姿，Gigi）經營的醫學美容服務供應商卓珈控股昨早轉主板上市，身為執行董事、主席兼行政總裁的Gigi一身紅噹噹打扮主持轉主板儀式，息影多時的Gigi風采依然，目前她忙着應付工作與家庭，生活極之充實，故此，偶有戲癮也無意復出幕前！
Gigi接手打理胞弟黎嬰的醫美生意逾十年，一直搞得有聲有色，昨日更由創業板轉到主板上市，獲雙親、弟弟黎嬰到場支持，Gigi開心與大家分享喜悅：「好感恩、興奮，可以再次踏足聯交所，好感動，父母、弟弟、老公均是我精神支柱，這麼多年來一直在背後默默支持鼓勵和給予意見，弟弟同樣好感動開心，希望將弟弟專業醫學美容概念發揚光大，使大家都充滿自信保持最美狀態。」Gigi坦言轉主板後都有壓力，但會盡量做好自己，宣揚醫學美容專業守則及樹立專業形象，令消費者對醫學美容不再恐懼，安心接受療程。
無打算復出幕前
問到如何慶祝？她謂：「都係食吓飯，其實現在才開始，對集團是起步點，將來仍有發揮空間，（要放更多時間在工作上？）一半一半，每日24小時，除了睡覺的幾小時，其餘一半給家人，一半給公司，生活非常非常充實，（三個女有否投訴？）少少啦，經常會捉住我陪佢哋玩，昨（前）晚我預備時枱面放滿文件，囡囡以為我在考試，問我係咪做功課，我話同佢哋一樣，要勤力讀書做功課先會有好成績，（老公見你辛苦，會否肉赤？）都有，佢成日叫我唔好做得咁辛苦，經常睡眠不足，叫我休息吓，但作為女性，希望為女性出點力，為屋企人將醫學美容樹立專業定位。」其夫剛於上周日（17日）度過生日，Gigi透露當日簡單吃頓飯，切蛋糕慶祝。Gigi退隱幕前10多年，問到她仍有戲癮嗎？她稱：「都有掛住演戲，畢竟拍了20多年戲，有時靜下來都會諗返拍戲時的感覺，睇到電視劇和電影，也會幻想如果自己做這角色時會點去演繹，都幾好玩，可是現時工作、家庭已把時間佔得密密麻麻，已經好充實，暫時都無打算復出幕前，但偶然會好懷念我的演藝工作。」