第六場､第三班､一○○○米。「皇仁先鋒」迄今於谷草一千米共獲兩冠兩亞，翻看季內贏同程之役，喺何澤堯胯下一放到底，擊敗喺二班也曾幾乎勝出嘅「大風暴」，實力喺此群必有優勢；上仗回配堯仔再爭同程，末段跌鞭下仍跑入Q；今仗小休月餘再對準強項爭標，機會可秤先。
第七場､第三班､一二○○米。「安喜」六歲仔季內六戰，一出即在上手馬房麥廄勝出田草千二，拚後升班再戰贏馬卻被貶只跑第二；打後轉投大摩後三戰仍不上名，不過上賽田草千二排外檔沿途跟前亦跑入第四唔散，今次大摩卻揀窄場千二誓師，續配蘇兆輝操刀，冷門值得一試。
第八場､第三班､一六五○米。「湛江最醒」四歲愛爾蘭自購馬，在港跑過六仗，頭五仗走勢一般，到上仗轉爭谷草一哩，找到冷殺手何澤堯執韁，大冷門排外檔起步，沿途留守馬群之後，惟入彎兜出外疊衝刺強勁，只不敵「勇敢傳說」跑第三；今次練者續攻窄場沿用堯仔主轡，慎防尾場爆大鑊。