第三場、第一班、一八○○米。要爭奪一張打吡入場券並不易，馬匹非汽車不是一俾油就有反應，要適應水土、練好氣量、提升狀態，種種因素缺一不可，一群未能爭取打吡入場券的馬匹，並非實力不如人，只係進度暫時趕不上而已，當中沈廄「快益善」就是未能跑打吡的滄海遺珠，只名列後備未能補上，部署上已無任何掣肘，可按常理出牌，照計進度會更理想，如今渡江換來一批較次對手，隨時冷手執個熱煎堆。
第六場、第三班、一○○○米。「鑽得勁」近績確是硬淨得可愛，十二月初贏直路賽，強如「新強勇駿」亦要輸個半身位；翌仗再爭同程得第二，僅負於「加州神箭」而壓倒「動力爆發」；至於前仗第四亦不過輸個多身位，勇況保持；上場轉去泥地千二米依然能夠走入第三；其實「鑽得勁」谷草成績亦不俗，既然勇態持續，谷草又有贏馬賽績支持，還要有不俗賠率，宜加入考慮。
第七場、第三班、一二○○米。「月追越風」自購馬來港早期因為健康曾受挫折，但上季尾仍能於嫌短的谷草一千米建功，今季初則操練明顯未夠，熱身一仗加眼罩出擊卻跑包尾；然後立即轉投蘇偉賢馬房，一月尾復出依然毫無走勢；翌仗除眼罩轉爭田草直路賽，末段撲上第五姿態悅目；上仗出戰谷草千二米以三馬位小敗，確認狀態已在復甦途中，今次對手不強未可忽視。