香港文匯報訊（記者 梁靜儀）麥浚龍（Juno）和謝安琪（Kay）昨日到商台宣傳兩首新歌《寂寞就如》和《其實寂寞》，兩人更分享一個人獨處時會做的事；Juno會在家中嘆一人火鍋，而阿Kay就試過獨自去旅行。
Juno自爆會一個人在家中打邊爐：「我鍾意一個人打邊爐，鍾意一個人去買材料，好耐之前同林夕講過呢件事，一直等到今次先有機會用呢個題材。」記者提議Juno 可到Kay家中打邊爐，感受熱鬧氣氛？Kay透露Juno曾到過她家中打邊爐。問到Kay 會否一個人打邊爐？她說：「我就好少一個人打邊爐，因為我食好少嘢，連一個麵都食唔晒， 但會一個人去旅行。」
阿Kay透露數年前曾獨自去台灣及美國，還要自己駕駛，她坦言自己好需要獨處空間，幸運地另一半（張繼聰）亦好體諒她。她覺得女仔獨處都可以好自在，有很多事可以做，有另一種快樂，不一定好消沉和哀傷。既是女兒又是人妻兼人母的她，有時又會忽發奇想，又說會諗如果成個世界都不關自己事就好了。
Juno又自爆一件多年前獨自到西雅圖影展的趣事，「當年我的《 殭屍 》到西雅圖影展宣傳，我剃光了頭加着了一件棉襖，手拿一本小說去餐廳食飯，叫了份牛扒，有個侍應就疑惑地問我『僧侶係咪唔應該食肉呢？』，佢又以為我拎住本經文，最後經我死纏爛打後，都畀咗份牛扒我，覺得一個人畀人誤會其實都幾寂寞！」