■充滿幽默感的鄭中基，與學生們打成一片。香港文匯報訊（記者 李思穎）鄭中基（Ronald）昨日到香港大學出席講座，以「幽默感」主題作分享。提到陳奕迅（Eason）早前在公開大學分享時，因學生們只顧玩手機而動怒，覺得不受尊重並請這些學生離場，Ronald被問及此事，他即時發揮「幽默感」一面，笑言會玩埋一份，還會叫學生有開心事要一齊分享，絕不會請他們離場！
Ronald到場後先化身《美女廚房》主持，試食三間學生飯堂的食物。說到Eason不滿學生講電話請離場風波，Ronald遇上同樣情況時會如何處理？他笑說：「我咪玩埋一份，叫助手畀部手機我一齊loop。（Eason叫學生離場！）若然咁啱屋企有急事，叫人出去唔係咁好，我唔會咁，會叫佢攞部手機來看，有開心事大家share。（會否覺得他們玩手機是不尊重之舉？）呢個年代唔覺得有問題，我唔信佢（Eason）開會時沒有loop手機，你自己都會啦，人哋都唔會叫你出去。如果十幾年前，攞部大牛龜電話出嚟講，就真係唔尊重同搞事，現在就OK，我見今日都沒人咁做，可能天氣熱，再講的話手機會爆，哈哈。」
幽默感與生俱來
Ronald稱今次主要是分享幽默感對追女仔和工作上有否幫助，這方面是與生俱來抑或後天學習，問他是靠幽默感追到坐在台下的太太余思敏嗎？他笑說：「唔係，一定係因為靚仔，再沒其他原因。（自覺有幽默感嗎？）大家覺得我好笑，但我沒有特別學，天生得來，其實好笑分兩種，可以在適當時候講說話令人覺得好笑，又或是講爛gag都很受歡迎，同樣是逗人開心，最重要是有正面想法，不應人身攻擊。」
提到工作，Ronald透露剛完成電影《遺愛》，五月開始巡迴演唱會，九月開拍《龍咁威3》。說到太太因被他投訴，正專心鑽研烹飪，他即說：「我唔係投訴，不過她廚藝進步很大，好多嘢都好好食，可以綁住我個胃谷肥我，因我在《龍咁威3》要增肥十幾磅，不過上次都增了三十磅，今次不會太難。」