■洪卓立日前現身廣州記招。香港文匯報訊 洪卓立（Ken）日前現身廣州記者招待會，宣佈將於6月15日在佛山南海體育館開演唱會，吸引過百粉絲撐場。記者會開始時，當Ken一現身，現場粉絲立刻熱情尖叫。
當Ken宣佈於佛山開騷的消息，粉絲都相當開心，異口同聲指想聽到《彌敦道》、《少年遊記》、《三腳貓》、《獻醜》等經典歌曲，並指已經作好搶飛準備，最貴票價的門票日前一開賣已經火速售罄！其實上年12月Ken已經在廣州體育館舉行處男騷，當晚三千人場館全場爆滿，觀眾情緒高漲、氣氛熱鬧，所以今次乘勢追擊，今年6月在佛山再開演唱會。Ken在記招透露今次佛山站將會演唱更多自己的作品，彌補廣州站的遺憾。他又透露會開始養靚把聲，用最好的狀態演出，希望令一班粉絲樂而忘返。今次舉行演唱會的場館比上次容納多一千人，Ken直言有些緊張：「多一千個位，都有啲壓力，不過上次粉絲反應好好，所以今次都有信心，希望大家多多支持！」Ken近日Keep住健身，粉絲都期待佢演唱會上晒肌，Ken話要保持神秘，笑說：「睇下到時操成點先啦，又或者到時即興除都唔定，又或者到時只係得兩條手臂見得人呢。」