■謝賢（中）、黃心穎（左）與陳煒（右）齊出席活動。香港文匯報訊（記者 梁靜儀）無綫劇集《法證先鋒IV》拍攝半年終於煞科，有份演出的陳煒（煒哥）前晚更在酒家設宴十五席慰勞台前幕後人員，出席的演員有譚俊彥、黃浩然、黃心穎、鄭希怡、謝雪心、鄭俊弘、郭子豪、羅蘭，以及客串演出的鮑起靜及謝賢（四哥）等，四哥笑言沒有收片酬，只象徵式收一封利是，打算留作將來陪葬，認真百無禁忌。
四哥甫到場即大受歡迎，藝人紛紛爭相與他自拍，受訪時他搞笑地指因劇集拍完多時，已忘記自己演什麼角色，甚至連劇名都忘記。問他收了片酬未？他笑說：「咁我又記得真係冇畀錢我，（收利是？）利是都未拆，留返嚟做陪葬！」
拒談栢芝細仔
問到會否再拍劇？ 四哥說：「我呢世人只係拍戲，十五歲開始拍戲 ，唔識做其他，電影養大我同一家人， 霆鋒都係靠佢，只係近年市道差，如果有得拍戲畀我『玩吓』已經好開心。」問到會否與霆鋒父子檔演出？他笑說：「梗係唔制啦，畀佢搶晒鏡，我乜都輸晒畀佢，𠵱家係佢嘅世界。」
問到可有見過兩個孫仔？四哥透露差不多每個月會見一次，不過就不記得兩個孫仔個名，問他可有見過栢芝細仔？四哥說：「嗰個我都唔知，唔關我哋屋企事。」問到四哥現時可有拍拖？他笑說：「我咁嘅貓樣，（選女友要咩條件？）佢哋開啦。」
陳煒表示煞科當晚要花五位數找數，因拍攝六個月，台前幕後好似一家人，希望藉着這晚跟大家聚一聚。煒哥指今次拍《法IV》沒有之前《宮心計2深宮計》那麼辛苦，畢竟是時裝劇，但也有少少動作場面，拍一場被賊人脅持場面時她被刮傷了下巴，兼扭到手指尾。拍《宮心計2深宮計》雖沒受傷，但心靈受傷，還甩了很多頭髮。拍畢劇集的她可會放假？煒哥透露稍後會拍一部電影，又會練歌及還飯債，若有時間月底會去旅行。
黃心穎表示拍完《法證IV》之後，會到七月才拍新劇，期間她會隨黎諾懿到馬來西亞拍攝特輯，她十分期待說：「好開心呀，嗰邊好多地方都冇去過。（到時着泳衣上陣？）我係唔會益佢個節目，自己旅行就會着。」她又透露計劃去北美或歐洲度假，想趁三家姐做媽咪之前一齊去玩。說到其男友馬國明投訴被她賣甩自己去玩？心穎解釋因他要開劇，很難夾到時間。她又透露會趁休息期間到北美修讀演藝及導演課程，可能密集式讀兩、三個星期。