■徐子珊與馬德鐘已經有5年沒合作拍劇。香港文匯報訊（記者 李思穎）馬德鐘（馬神）與徐子珊昨日出席腕錶品牌活動。說到馬神兒子馬在驤高大靚仔，子珊也被對方兒子吸引，希望有機會合作，搞到馬神不是味兒，反駁指不同年紀有不同味道，自言屬於成熟穩重路線。
有指馬神和兒子「父子檔」簽約邵氏，馬神表示：「係我簽先，兒子仍在求學階段，還有三年先大學畢業，不過公司有幫他傾活動及電影工作，（兒子都想入行？）未知他的想法，但以讀書行先，課餘時間可以嘗試做喜歡的事，其實都有人找我們『父子檔』合作，自己也不會特別抗拒，都想他眼光更擴闊，我都同好多新人拍戲，（父子檔上陣會幾時成事？）唔知，我連自己幾時再拍劇都未知啦，但稍後應該會開拍新戲。」
自言走成熟穩重路線
說到兒子成為澳洲的衝浪救援員，馬神開心謂：「我都覺得好勁，都渴望自己有這張相，我年青時都是救生員，不過在外國做衝浪救援員難度高很多，（網民大讚兒子型過爸爸！）唔同味道，男人不同年紀會有不同味道，我是gentlemen、成熟穩重路線。（想不想兒子拍拖？）就算他拍拖都好正常，現今年代父母都干涉不來，以前都會同兒子一同拿着校刊研究靚的女同學。」
子珊和馬神繼五年前合拍《以和為貴》一劇後，便沒有再合作機會，子珊笑說：「現在渴望同馬神兒子合作，很久前便讚他兒子好得，好型仔。」身旁的馬神不是味兒，尷尬說：「三個人一齊拍囉，估唔到你鍾意小鮮肉。」子珊即說：「我係欣賞！」