■行政長官林鄭月娥(左二)前晚亦有到場觀賞。香港文匯報訊 由王梓軒、陳潔儀主演，劉松仁一手策劃兼導演及創作的音樂劇《利瑪竇》前晚假香港文化中心舉行第3場，有多位重量級嘉賓前來觀賞，包括行政長官林鄭月娥、徐小鳳、汪明荃、薛家燕、羅蘭、梁舜燕、莫何敏儀、朱晨麗、劉美君、方力申、張衛健、胡楓、趙希洛等，場面非常熱鬧！他們更激讚舞台劇精彩！
雖然多位重量級嘉賓都是座上客，但男主角王梓軒（Jonathan）和女主角陳潔儀（Kit）也沒因此怯場，更表現出超水準。尾聲時，台上台下都眼濕濕，Jonathan說：「我喺台上都被感動到喊！」
恩保德神父在台上自爆跟劉松仁相識60年，恩神父說：「60年前，我接觸佢（松哥），佢係細路仔，我唔敢講佢嗰時係6、7歲定9歲，我哋一直都係朋友，我好開心同呢個朋友做呢個有水準嘅舞台劇，佢為咗呢個舞台劇奉獻咗2年，2年無做過其他嘢。」引來全場拍掌！
王梓軒獲讚好厲害
家燕姐約同莫文蔚媽媽莫何敏儀一齊前來欣賞《利瑪竇》，家燕姐大讚舞台劇精彩：「睇到整體製作好用心，好欣賞松哥，知道佢花咗2年時間去編排、監製、製作。王梓軒好正，陳潔儀把聲好靚，佢哋後生做到老都好睇，整體演員都做得好好，令我為之讚嘆。」莫太亦說：「王梓軒好叻，佢個R音卷脷好犀利，我睇完第一句同松哥講『Amazing』！」
方力申亦因為拍電視劇《華麗轉身》認識松哥，他表示：「好感動！感受到台前幕後都好有誠意，1年前松哥有同我講過呢個故仔同籌備，嗰時已經非常期待。梓軒犀利到不得了，又要唱又要講意大利文、文言文咁多嘅對白，真係好厲害，好好睇！」