■鍾嘉欣(中)與松哥（右）及梓軒因拍《華麗轉身》而熟絡。香港文匯報訊 由王梓軒、陳潔儀主演，劉松仁一手策劃兼導演及創作的音樂劇《利瑪竇》，自公演以來叫好叫座，反應非常好！繼特首林鄭月娥、徐小鳳、汪明荃、薛家燕、鍾楚紅前來捧場後，接下來多場的音樂劇亦有不少圈中人來支持，包括陳寶珠、麥嘉、鍾嘉欣、黃浩然、曹永廉、阿Bob（林盛斌）、梁競徽、王君馨及王梓軒師傅趙增熹等
鍾嘉欣與松哥及梓軒因合拍劇集《華麗轉身》而熟絡，她知道松哥為《利瑪竇》花了很多心機、時間，所以趁在港便特意來到尖沙咀文化中心為松哥及梓軒打氣，之後便趕回家湊小朋友。
跟梓軒分屬好友的黃浩然、曹永廉、阿Bob和梁競徽，日前相約捧場，浩然說：「啱啱睇完《利瑪竇》舞台劇，阿廉係冇呢個藝術氣質，我就專登買飛請阿廉睇。咁當然係好感動，我對呢個團隊好佩服，松哥花咗好多時間，我諗除咗利瑪竇呢個人係偉大嘅大愛，同大家分享愛，我覺得好值得我哋去尊敬，亦都希望大家將呢個訊息傳開去。」
阿廉說：「今次個舞台劇對我有好多啟發，大家都係帶出一個愛，好感人，成班演員真係佩服到不得了，梓軒真係不得了！」
Bob讚台前幕後一百分
跟梓軒合作《兄弟幫》的好兄弟阿Bob說：「我今（當）日嚟支持王梓軒，我覺得佢嘅非常表現係非常非常之好，成個劇嘅製作，台前幕後嘅製作真係一百分。（睇完之後有咩領悟？）四個字，殊途同歸，唔同嘅宗教或唔同嘅派別，係因為世俗人要將佢唔同嘅群族、唔同嘅國家，要將佢分開，原來講嘅係一模一樣，呢個理論對我嘅感受好深，特別係最尾嗰一幕，我見到全場人揮動嗰個小小嘅種籽，成個畫面都好美麗，仲有使者嘅何洋，把聲好正！」
梁競徽說：「好感動，特別好想講劉兆康好犀利，我已經愛上呢個演員，唱得好好、演得好好，好打動到我。」