曾參與違法「佔中」，但至今咩事都冇嘅天主教香港教區退休主教陳日君，昨日到荔枝角收押所探望入獄的戴耀廷、陳健民和黃浩銘，離開時更形容眾人「好勇敢」，又話「上帝知道佢哋做緊咩嘢」。唔少網民就揶揄，上帝梗係知道佢哋做咗咩嘢啦，所以佢哋咪要坐監囉！
陳日君昨日到荔枝角收押所探訪在囚的戴耀廷、陳健民和黃浩銘，並與各人傾談近15分鐘。他在離開時聲稱：「佢哋好勇敢，無事呀！都算適應。......上帝知道佢哋做緊咩嘢。」
網民：上帝支持搞暴力？
網民「Louis Tsang」批評：「有幾勇敢呀！找數就梗㗎啦！」「陳清發」質問：「上帝會支持佢地（哋）搞暴力，搞衝擊？」「Lai CC」就揶揄：「上帝知佢哋做緊咩，所以一定會懲罰佢哋，不能饒恕。」「Tat Wai Leung」直言：「陳主教犯左（咗）十誡，不可妄稱上帝的名。」
2014年，陳日君被揭發在2006年至2010年間收取壹傳媒集團創辦人黎智英「捐款」最少2,600萬元，且未有向教會交代。「William Siu」就回帶道：「上帝知你收$（錢）同肥佬（黎）做嘢。」
■香港文匯報記者 陳川