香港文匯報訊（記者 梁靜儀） 陳潔儀(Kit)、李幸倪(Gin Lee)及江海迦(AGA)將於七月廿五日於會展舉行音樂會，昨日三人齊到九龍灣出席發佈會，台上Kit 笑言今次可以跟女仔合唱，不用像男女合唱般要遷就個key。
會後三人接受訪問 ，問到屆時會有何特別演出？Kit表示屆時可能會做些音樂劇的演出，可以只是女仔合唱。問到是否怕了同男歌手合唱要遷就個key？她笑說：「就key係幾乞人憎同痛苦，個個都乞人憎，唱《來日方長》同蘇永康試過互相遷就，最終都係我就他，因為佢就我實在太難聽。」
首次跟Gin Lee及AGA合作開騷，Kit 坦言很少跟不同年代的女歌手合作，但有信心做好件事。
剛完成十多場舞台劇《利瑪竇》演出的Kit，對於導演劉松仁有意明年添食，她謂相信成事機會很大：「好開心做到呢套劇，因未做過僕人角色，唱歌唔係好難， 但做老太婆成日要彎腰，尤其係有一幕要跪十三分鐘，雖然戴咗護膝，但都好辛苦，喺台下要不停做伸展，估唔到松哥會幫我按摩，好nice，我都係細個睇松哥啲戲 ，不過佢都有幫dancer按，因為佢識氣功。」