■家燕姐囝囝石耀庭(左二)執導。香港文匯報訊 去年5月，薛家燕變身Captain Nancy，一日之間有過百萬點擊，人氣一時無兩！形象正面兼有親和力的家燕姐深受廣告商歡迎，最近她再變身Captain Nancy與女兒石祐珊拍攝廣告，執導的更是兒子石耀庭（Jackson），三母子為此廣告花了不少心思，家燕姐說：「今次同個女珊珊合作拍呢個廣告幾開心，同埋製作團隊係我仔Jackson，今次佢哋擺咗好多心機喺呢個廣告上，我只係加少少意見，其實我已經放開畀佢哋做，因為我發覺年輕人有好多新思維，結合我哋一啲經驗，會做到好傑出嘅作品，珊珊可能有我少少基因啦！所以喺演戲方面係唔錯嘅，哈哈。」
拍攝當日，家燕姐和珊珊在天未亮已經起身妝扮，一拍就拍到晚上十時，直踩17個小時，其中一幕更要家燕姐大打出手，打足個幾鐘，真的不是Easy job！
家燕姐說：「攰唔攰？咁就梗係攰啦！不過心裡頭講，唔可以攰，一定要拍到最好為止，所以呢個訪問我要讚吓呢個幕後團隊，包括Jackson同台前、幕後成班工作團隊，仲有囡囡珊珊！頭先我都講笑話佢可以提名最佳新人獎，哈哈。」獲媽媽大讚的珊珊，卻尷尬地說：「家燕姐太客氣喇！我覺得今次非常困難，因為要好認真去做搞笑嘅戲，呢個我未試過，但成件事好有喜感，希望出嚟大家會鍾意！」由於家燕姐一向都好鬼馬，當她認真拍攝這一幕時，珊珊指忍笑忍得非常辛苦。