■苟姑娘露「事業線」示人。香港文匯報訊（記者 梁靜儀）苟芸慧（苟姑娘）與麥明詩（Louisa）昨日出席內衣店活動，穿上黑色低胸喱士裙露出事業線的苟姑娘更疑似走光。
身為人妻的苟姑娘昨日性感現身，問到為何老公陸漢洋准許她接內衣活動？苟姑娘表示因老公覺得好健康，而且內衣款式又可出街時穿着，可以跟女性朋友去High tea時穿着，還有她好鍾意品牌的代言人。問到老公可有給她買情趣內衣？苟姑娘說：「通常都係女仔同女仔去睇內衣，所以老公冇乜留意，我鍾意輕身同舒服，近期就鍾意着絲質衫，老公都會鍾意我鍾意嘅，（一陣同老公一齊揀內衣？）今日好多人所以下次先再同佢一齊去揀，（揀內衣增加情趣？）通常都係幫女仔揀，各有不同喜好。」談到工作，她表示稍後會返內地拍網劇，月底就在港出席活動。
相比起苟姑娘，只露出纖腰的Louisa就明顯密實得多，她表示一身打扮是健康的性感，而今次活動是推銷睡衣的功能性。問到在家中會否穿性感睡衣？Louisa坦白說：「睇吓同邊個瞓，因為有時去旅行會同哥哥或父母同房，（同男友呢？）唔好提起啲傷心事。」外表斯文的Louisa 更直言將來有老公的話會很有情趣及大膽，甚至比男仔更大膽，但追求者就千萬不要送性感內衣給她：「我唔想被人主導，鍾意過程中取悅對方，否則會好冇癮， 自己揀可以自主啲，而以往啲男友都保守啲，有啲鍾意白色，也有鍾意黑色。」