■家燕姐跟Chilam延續「母子情」。香港文匯報訊 薛家燕今年繼續擔任奶粉代言人，廣告商更加碼請來張智霖（Chilam）與她一起拍廣告，延續19年前《十月初五的月光》的母子情！
拍攝廣告當日，家燕姐患了感冒，不過未有因此影響拍攝進度，更獲Chilam大讚有活力有默契，拍廣告時不會多於兩個take，家燕姐說：「好開心可以同Chilam拍呢個廣告，好得意，全隊人都感覺好fresh！係佢帶住我，好有活力，所以自己拍咗呢個廣告之後，好似奶粉咁樣好有活力，yeah！而且我哋真係拍得好快，我哋一埋位大家就好似知道點做，好開心可以早收工。」
至於酬勞有否加碼？家燕姐說：「酬勞方面，哈哈，滿意啦！好滿意搵多個好拍檔，我哋做一個廣告宣傳，最想得到個效應，呢個效應係得到Chilam嘅火花出嚟，係好好嘅黃金組合。」Chilam笑言：「同家燕姐拍廣告，唔使錢都嚟啦！我嚟見吓家燕姐，我就好開心......」
此外，患有感冒的家燕姐，拍完廣告後，指着Chilam話：「冇晒事喇，藥到病除！」