■曾樂彤稍後會改派新歌《存在》。香港文匯報訊（記者 梁靜儀）曾樂彤、BOP、 劉溫馨等昨日到電視城為《公益金萬眾同心50年》「公益勁舞團」綵排，曾樂彤表示會聯同十幾廿位藝員一齊跳舞。
之前被網民質疑演出時咪嘴的曾樂彤， 事後因在社交平台留了一句諧音粗口，與網民對罵， 令到新歌《太陽蛋》被抽起，她表示稍後會改派新歌《存在》。 問到會否怕再被網民攻擊？她說：「 要來的始終要來，（會唔會再同網民對罵？）我成咗仙，成咗佛，我作出咗少少改變同妥協，一件事做咗選擇就要承擔返後果，冇話後悔，學習面對。」 至於可有被公司照肺？她說：「公司好錫所有藝人， 你就唔會同你傾，自己初入行衝動咗，希望大家高抬貴手。」 不過說罷她即哼着：「 盡情愚弄我吧！」
BOP三子之前與經理人公司因合約問題被封殺， 相隔三年再為無綫籌款節目演出他們表示好開心。 他們表示當晚會唱草蜢的歌：「呢兩年靠佢哋啲歌搵食，每次一唱佢哋啲歌，好似《森巴舞》、《華麗舞台》氣氛就好好，出道五年都希望有機會同草蜢同台演出。」
成員之一的Tyrese到電視城可有撞到舊愛余思霆？他說：「冇撞到，亦都冇聯絡，（現時有冇拍拖？）冇拍拖，而家清心寡慾，事業停滯咗一段時間，要追返啲時間。」