■吳業坤嘟嘴作狀吻賀壽星女。香港文匯報訊（記者 梁靜儀）朱晨麗、何廣沛、吳業坤（坤哥）、龔嘉欣、吳岱融及車婉婉等無綫劇集《大醬園》一班演員，前晚為同劇的樊亦敏（Amy）舉行生日飯聚，賀其48歲生日，坤哥更嘟嘴作狀吻賀壽星女。
坤哥受訪時笑稱是來「呃飯食」，他又大讚樊亦敏是好靚的姐姐：「我睇返Amy以前演出啲電影同劇集，嘩﹗點解可以咁靚，我每次見佢都會咁講，之前喺《愛·回家》佢演過我阿媽。（送什麼禮物？）我喺群組話送自己畀佢，佢都幾開心，（有冇底線？）佢想點就點，一晚半晚OK啦，Amy係一位好前輩，佢送過外景櫈畀我，得我有咋。」
提到他日前駕駛途中突然被一輛私家車從後撞上，幸好人沒事，他說：「交咗畀朋友去處理，最緊要人冇事，自己係幾心軟嘅人，見對方落車按住心口。（對方知你係吳業坤所以咁做？）我唔知佢知唔知，不過架車幾傷，要整五位數字，打算趁機換車，但係現在通晒天，舊車賣出去唔值錢。（會唔會考慮唔揸車？）唔會，我係安全駕駛者，我次次都係被人撞。」坤哥表示不會考慮買新車了，主要想物色慳油的二手車，因之前買新車覺得唔划算，都是做回慳家的小朋友。
朱晨麗揭何廣沛孱弱
朱晨麗（朱朱）與何廣沛一起接受訪問，朱朱表示因沒時間準備禮物，所以送上香吻給Amy，她笑說：「心意最重要，我唔係個個人都錫。」何廣沛則透露去買了三個生日蛋糕給Amy，因為有四、五圍，怕一個蛋糕不夠大家分。
朱朱透露日前與何廣沛拍攝一場落水戲，何廣沛為了該場戲事前減肥操弗及只吃雞肉，結果拍攝期間暈倒，連累她也跌倒。身旁的何廣沛即說：「原本我以為你會讚我為呢場戲戒口，點解講到我好似好孱弱。」朱朱即改口笑說：「其實我想讚你好敬業，為部劇付出好多。」何廣沛再說：「但你在鏡頭面前說我暈倒。」問到朱朱有沒有錫返何廣沛補數？朱朱說：「仲錫佢？因為佢站唔穩，我飛身埋去托住佢，累我隻腳瘀晒。」何廣沛聞言即指有次在山路拍攝，見她失平衡便飛身撲過去推回她，結果自己跌低了。朱朱笑指何廣沛變了人肉座墊墊在下面好偉大。
除了拍《大》劇，朱朱表示已收到經理人消息要重拍《法證先鋒IV》，她說：「希望快啲拍，可以原汁原味出街，兩部劇疊住唔緊要，都係為部戲好。」