■張智霖覺得合家歡電影要成家人去睇才開心。香港文匯報訊（記者 梁靜儀）張智霖(Chilam)昨日到銅鑼灣出席有份聲演的動畫《Pet Pet當家2》首映禮，台上Chilam 指以前在澳洲讀書曾養過一隻拳師狗，見到他要走時很不捨，令他很感動，現時他家中亦有養兩隻狗。昨日要早起出席活動的Chilam，表示以前會睡至日上三竿，但現在會早起，因每日都好寶貴，要充分利用。他又透露太太袁詠儀（靚靚）與兒子及他的同學也有來睇戲，覺得合家歡電影要成家人去睇才開心。
再次為電影配音，他自言有熟悉的感覺，配音過程好順利、好感動，因套戲帶出的訊息是要學識放手，做父母好有共鳴，要識放手讓小朋友成長及學習面對困難。問到他可做到？Chilam 說：「我當然做得到！」他自爆現在會被好小事就觸動，配音時候亦有被感動到落淚，可能內心有澎湃的感情。 Chilam又主動宣佈將於明年四月在紅館開騷，香港更是世界巡迴演唱會首站，場數則未定，但對他來說不是重點，反而每場點能否做到一百分才是重點。他又興奮說：「開三至四場都OK，對上一次開係2014年，原本舊年有機會開，但因為拍電影太忙，畀返個期紅館，好開心今次一申請就有，開始籌備緊，時間上都好充裕，要做好回報紅館。」 問到可有去探好友郭富城的細女？Chilam表示都想去探：「有睇過相。（似爸爸定媽媽？）太細個睇唔出。（會送咩禮物？）交畀老婆搞。」
另外，前華姐陳爽偕同老公及一對仔女也有去睇戲。