■陳煒、黃智賢和張達倫在活動中打乒乓球。香港文匯報訊（記者 梁靜儀）陳煒（煒哥）、黃智賢（Ben）、張達倫、簡淑兒、余思霆、朱敏瀚及李國麟等，昨日到將軍澳一所小學出席新劇《好日子》宣傳活動，眾人分組與學生玩遊戲及打乒乓球，而該劇首集錄得26.9點收視，暫成為年度一線劇首播之冠。
煒哥與阿Ben一起接受訪問，煒哥透露劇情將發展到她因誤會欲開槍射殺阿Ben，令她事後深感後悔。問到現實生活中可有做過後悔的事？阿Ben說：「好後悔十幾年前在亞視冇好好同煒哥合作。」煒哥指當年阿Ben在亞視幾乎每套劇也是跟她合作，當問到為何多次合作也沒擦出火花？她說：「當時佢供緊女朋友（即現任太太）出國讀書，同埋我記得佢買股票蝕咗好多，通常都係拍緊車廂戲至講呢啲，（咁多年後都仲記得？）借鏡，引以為鑑。」
阿Ben帶笑說：「爆晒我啲秘密出嚟，我都話佢留意我啦，（當時輸咗好多錢？）廿幾萬，輸唔晒身家，之後就轉買藍籌股，好過放喺銀行，𠵱家就交畀太太揸數。」問到他可會介紹筍盤給煒哥？他說：「佢係冠軍級人馬，好難㗎，要有返咁上下至得，有好嘢會介紹畀佢，煒哥就沒有將名銜當作一回事，阿Ben就稱她是其心目中永遠的冠軍。
簡淑兒想同古天樂拍咀戲
余思霆與簡淑兒在劇中雖然要爭仔，但因合作而成為朋友，不過簡淑兒就投訴思霆與朱敏瀚拍拖也不告知她。思霆即反問她：「咁你拍拖會唔會講我知？」簡淑兒即答：「會第一時間話你知。」
問到余思霆可會否介紹男生給好姊妹時，簡淑兒就說：「佢都細我幾年，佢啲朋友都會好細個，（介意姊弟戀？）唔好太細個，（擇偶條件？），冇乜資格講擇偶條件，但要接受我嘅工作性質同時間，以往試過有男友因唔明白我嘅工作而分手，影張相、拖手拍戲都問點解。（拍咀戲呢？）我未拍過咀戲。（最想同邊個男演員拍？）最想同古天樂，金城武都可以。」