■麥明詩獲小朋友獻吻。香港文匯報訊（記者 梁靜儀）麥明詩昨日到九龍灣出席活動，並與小朋友一起堆沙，更獲小朋友獻吻。
剛由沖繩回港的麥明詩，透露此行主要是去考潛水牌，因她自小已游水好熟水性，故一直都想考取潛水牌，於是今次去旅行就撇下父母用了三日時間去考潛水牌，現可潛到水深十八米睇珊瑚及魚，計劃暑假再去考高一級的潛水牌，想再潛深一些，因為可以在水底做一些別人看不到的事，例如可以在水底拖手拍拖。問到男仔識潛水會否加分？她笑說：「會加分， 試過同之前個男友去潛水，對方好憎，（因此飛起對方？）當然唔係。」問到將來會否舉行水底婚禮？麥明詩笑言擔心個妝，但見教練都有幫人影水底婚紗相好靚，打算練好身材影一輯水底相。
她謂目標是可以考到救人級數，因覺得很有型，但要一步一步來，始終潛水有少少危險性，她又忽發奇想說：「可能救個男仔譜出一段姻緣，好似美人魚咁，我唔介意個男仔要我救佢，對方可能喺其他方面叻。」
麥明詩表示七月底便會與馮盈盈聯同候選港姐，前往日本的熊本拍外景，問到會否與師妹一起穿泳衣？ 麥明詩即表現抗拒說：「千祈唔好，驚被比下去，唔好拉低佢哋，我同盈盈會教口才應對，同埋發掘一班女仔嘅真性情，畀觀眾睇到佢哋可愛一面。」
