■張曦雯近年事業愛情兩得意。無綫電視劇《白色強人》正在熱播，劇中主角之一、飾演腦神經外科醫生的張曦雯（Kelly）近年除了事業得意，私下連愛情生活也十分美滿。Kelly直認入行以來就有拍拖，但因為對方通常是圈外人，不想對方承受壓力，Kelly大方表示，如果有一日選定Mr. Right結婚，一定大方分享喜悅。她又表明會搭小巴出入，也會去茶餐廳，去茶餐廳吃飯，粉絲邀拍照也絕不托手踭。
無綫小花張曦雯（Kelly）入行6年，憑旅行節目《3日2夜》吸納不少粉絲，去年亦憑直播打機時展露真性情，成為不少人心中的打機「女神」。貴為女神，身邊應該不乏追求者，同時大眾對她的感情事也很是關心，近日就有傳媒拍得Kelly與疑似英日混血兒Brunyez拍拖。
對於感情事，Kelly直認入行多年來都有拍拖，而且男方多是圈外人，故不想常把感情事掛口邊，「入咗行都6年，如果我話知你咁多年都冇拍拖，大家都唔信，但我選擇唔公開。如果有一日我係揀定要結婚，都會同大家講，但因為我自己係同一啲圈外人拍拖，如果因為同我拍拖，佢要承受我承受嘅壓力，好似又唔係幾好。我又唔想佢哋咁辛苦，所以我選擇唔公開。我揀圈外人係因為我做呢行已經生活顛倒，我希望我唔開心或者壓力大嘅時候，佢可以同我調節下。咁我揀男友的條件係佢心地要好好啦，同埋一定要好孝順父母。至於佢係咪金融才俊，有冇錢，我唔介意，因為我Kelly自己都搵到錢啦。」
Kelly近日在《白色強人》中演院長姜大衛（John哥）的女兒，早前John哥病倒那場戲，Kelly自然流淚的戲份，感染不少觀眾。
深信進修所得比賺錢多
通常有劇上，就是演員狂接Job的時間，但Kelly卻選擇這個時候到洛杉磯修讀一個月演藝課程。「我同郭晉安及John哥有不少對手戲，在他們身上學到好多嘢。我本身和爸爸、媽媽的關係很親密，所以拍John哥病倒那場戲，我會想起爸爸、媽媽，自然流下淚來。好多人可能會覺得我有劇上先去進修，浪費搵錢的機會，但就是因為拍完呢個劇，感到自己有不足之處，所以決定去美國修讀演技課程。作為演員，始終要克服緊張感，但偏偏有時我會太緊張。安仔也常叫我放鬆，好好呼吸，我相信進修後可以克服。唔好計個課程及搵少幾多錢，因為我相信進修完自己得到的是更加多。」
直播打機形象平易近人
Kelly外表好Cool，但卻放下華姐形象，戴上粗框眼鏡直播打機，因而成為萬千網友眼中「女神」，連TVB都認為值得炒作，安排她上節目直播打機，不少網友收到「徵兵令」加入到Kelly的直播頻道日日追看，成為一時佳話。說起打機，原來Kelly當初是為了跟弟弟能有多些溝通的。
「我和弟弟從小一起打機，來到香港後，為了同弟弟有溝通，約上網繼續打機。當日打機直播純屬無心插柳，卻因而人氣急升，實在令我感到很驚訝。平時我不笑時好像很Cool，會令人誤會難以接近。最開心是自從我直播打機後，大家立即覺得我平易近人，不再是高高在上的女神。其實我十分貼地，會搭小巴出入，也會去茶餐廳，現在去茶餐廳吃飯，都會有人來同我傾打機的事。我工作的成就感就是有人認識我，所以如果有人叫我，或者想和我合照，我會很樂意的。」
InFo
採訪：植毅儀
攝影：劉國權
化妝：Janice Lam@ Glow Makeup Academy
髮型：Echo Wan@Jacky Ma
服裝：Manoush from rue Madame