■王梓軒與養女兒小花的同學一齊玩。香港文匯報訊 王梓軒獲香港救助兒童會委任為「助養兒童親善代表」，在大會安排下，早前梓軒親赴越南老街探訪助養女兒小花(Hoa)及視察救助兒童會在該區的工作。出發前，梓軒知道小花志願係做醫生，所以買了醫生玩具送給她，梓軒話：「之前小花都有些好得意的畫同信寄畀我，佢手字好靚，我帶了份禮物畀小花，亦買了小禮物送畀她的同學仔，自己好少去越南，老街就係第一次，好期待。」
當日梓軒天未光便坐兩個幾鐘車去老街，出發前，工作人員透露小花很害羞，梓軒用熱情成功打破與小花的隔膜，兩人一齊去打井水、餵雞及掃地，梓軒話：「小花好慢熱、天真無邪，幾歲就要在屋企做家務，爸爸媽媽要湊孫，小花亦會幫手湊，小花理想好偉大，一般少數民族越南話都唔會識，通常都喺農田生活，尤其係女仔一般都唔會出城市工作，所以小花想做醫生，佢好努力學習一個新語言，希望將來可以去幫屋企人同朋友，呢班小朋友有得返學好開心，老師離開課室，佢會即刻攞返本書出來讀。我希望用生命影響生命，令世界更好。」