■譚俊彥大讚張振朗（右）一向正能量。香港文匯報訊（記者 梁靜儀）譚俊彥、張振朗、胡定欣、黃子恆、傅嘉莉、譚凱琪、曹永廉及謝雪心等昨日出席於電視城舉行的新劇《包青天再起風雲》宣傳活動，飾演展昭的張振朗更吊威吔從天而降出場，終有新劇推出的張振朗直言感到開心。
受「安心事件」影響的張振朗，連續兩齣與黃心穎合作的劇集《堅離地愛堅離地》及《牛下女高音》都被抽起，至今仍播映無期，他亦因而被冠上「地獄黑仔王」之名，幸好拍竣一年的劇集《包青天再起風雲》下星期終於播出，張振朗受訪時亦笑着言：「開心，梗係開心，對上一部劇已經係兩年前的《踩過界》，（等到頸都長？）都可以咁講，上天會有安排，拍咗的劇沒理由唔播。」
譚俊彥大讚振朗正能量
對於被封為「地獄黑仔王」，他苦笑說：「𠵱家有劇出，可以洗脫呢個名啦。」身旁的譚俊彥就笑他：「我咁黑，你仲黑過我？」振朗說：「呢個『朵』幾得意呀，張家輝在《賭俠2002》入面都有同一個『朵』，佢係我偶像，（覺得自己黑唔黑仔？）已經過咗去，呢啲係咪叫置諸死地而後生。」有傳他當日知道受心穎連累後嬲到爆粗，振朗否認有爆粗：「冇，心裡面都冇，初時知兩套劇都出唔到街係有啲唔開心，但我唔會去嬲任何人，只會諗自己今年係咪犯太歲，我生肖屬兔。」譚俊彥就大讚振朗一向都好正能量，他只會怪自己和罵自己做得不夠好。
談到拍攝《包》劇的辛酸，振朗指今次拍攝過程艱辛，因本身不懂武打，這次亦是第一次密集式拍足一個月武打戲，但也獲益良多，其中最難忘有一場騎馬戲，講騎着馬的譚俊彥一手扯他上馬，那場戲拍了很多次才成功。振朗表示這兩年連續拍了五套劇，完全沒休息過，近日就放假休息，話人都精神了及肥了，沒之前那般攰及乾。
雲頂開騷完心願
譚俊彥表示對上一齣劇已是《天命》，希望新劇可以給大家正能量，這次他們去了橫店及新疆取景，投資好大。他透露今個月22日將會到雲頂開騷：「終於開到個人騷，算係完成咗自己心願，𠵱家不停同個女一齊練歌，我會帶埋囡囡過去，不過佢唔會上台，媽咪都會過去，因為佢以前喺雲頂做過騷，帶過我去睇，今次佢睇我演出，感覺好微妙，佢送我去讀書的錢，有部分都係嚟自呢度，爸爸就唔會去，佢要留在屋企睇住隻狗。」