■胡定欣同曹永廉再次合作。香港文匯報訊（記者 梁靜儀）久未有新劇播出的胡定欣，昨日出席新劇《包青天再起風雲》宣傳活動，她坦言一直擔心今年會沒有劇集播出，因劇集於去年五月已拍竣，故自己都很期待。她又稱近兩、三年主演的劇集都是在暑假檔期播出，同樣收視及成績都好好，希望今次都一樣。之前有傳定欣遲遲未有新劇開拍，跟她不續約無綫有關？她坦言《包青天再起風雲》會是她現時最後一套劇集：「之前原定六、七月開拍的新劇，最近收到通知會取消開拍，相信拍唔拍都唔關我的合約事，可能劇本上想做好啲，同埋可能審批上有啲嘢要處理，或者將來會用返同一個劇本開拍。（你幾時約滿？）仲有一段時間。」
說到有網民希望她跟馬國明翻撻，盛傳無綫有意撮合他們合作新劇？定欣否認有這回事：「冇呀，冇呀，只係新聞，馬明所拍的劇集沒冇我份，當然想同馬明合作，(網民想你們復合？)大家講吓笑，因為佢有劇出，大家至多咗唔同話題，我都好替佢套劇有好成績開心，我都有睇。」對於馬明日前出席活動被堵，定欣表示不知當中情況，但作為藝人只是履行工作，其他不是自己可控制的範圍。
黃子恆演陳世美預被人鬧
另外，黃子恆在劇中飾演拋妻棄子的陳世美，之前有傳因他的桃色事件而令劇集被抽起，他否認道：「我冇咁大影響力，我夠膽講一定唔關我事，係因為套劇後期要做好多特技，要做好耐，可能大家覺得套劇拍咗好耐都未播出，不過古裝劇唔趕。」說到陳世美的角色很衰？他說：「觀眾識分幾時演戲，幾時係現實，收到個角色時，監製好興奮同我講話可以玩盡佢，(你之前形象已經負面，怕唔怕再做呢類角色好難翻身？）咁都冇辦法，唯有工作以做得更好，（唔怕畀人鬧？）鬧即係觀眾睇得投入，鬧個角色都OK。」