■李彩華、李國祥、倪秉郎等到銅鑼灣出席大型史詩劇《恆河經變》記者會。香港文匯報訊（記者梁靜儀）李彩華(Rain)、李國祥、倪秉郎等昨日到銅鑼灣出席大型史詩劇《恆河經變》記者會，本身是基督徒的Rain自爆當初接到邀請時都好掙扎，牧師及好友鄭明明都幫她祈禱，自己又有祈禱，最後覺得好鍾意個角色，大家都贊成她演出。
Rain受訪時被問到為何會找她演出？她說：「我唔識佢哋，只係收到電郵，可能我喺內地有市場，當然我啲戲都好，其中有一場舞台劇會內地5G直播。」
她又透露一人分飾兩角，分別演印度窮家女及九色鹿，窮家女角色要搽黑塊面演出，而九色鹿就要畫面花及穿貼身衫，所以要操fit自己。問到事前可要問准老公？她帶笑說：「冇吻戲就得，老公有search返我以前啲咀戲，(唔拍得床戲？)更加唔得，唔係愛情動作戲就得，唔知係唔係天意，𠵱家拍戲都冇愛情線，之前同羅嘉良拍劇以為會加感情戲，點知又冇(老公喺背後做手腳？)可能。」
問到完成舞台劇演出後，是否按計劃休息準備造人？她說：「未得住，因為仲有套劇開咗工又停咗，十月左右會復拍，最快都要拍多兩、三個月。（開始調養身體準備生B？）明年先，我有飲開中藥，而且身體幾好，不過現在又好似覺得自己未Ready咁。」
李國祥已考取催眠師牌
李國祥表示劇中與Rain本來是情侶，後來因家人反對而分開，但她仍死纏着他。他謂現實中未試過被女纏，亦不喜歡被追求，認為要兩情相悅才能一起。他又透露五年前已考取到催眠師牌照，主要是幫情緒有問題的朋友。