■右起：陳敏之、黎小田、薛家燕與胡諾言感情好到如家人。香港文匯報訊 薛家燕、黎小田、胡諾言（胡仔）與陳敏之為無綫音樂節目《流行經典50年》做主持不經不覺已有兩年多，本月初家燕姐交棒給胡楓，家燕姐為了答謝台前幕後，早前在銅鑼灣一食肆筵開4席慰勞大家，連早前患上肺炎的黎小田都精神奕奕出席，讓大家安心。
早前黎小田因患肺炎在家休息多時，今次出席慶功宴時，精神不俗。家燕姐說：「多謝大家支持同配合，大家工作得好開心，我好多謝小田Michael咁錫我，為我做呢個節目，好感動。」
黎小田則表示：「我哋拍檔咗好耐，一叫我做呢個《50年》，本來唔係叫50年，叫50強，但做做吓就兩年，嘩！你知電視台啲冷氣啦！做到我病咗，肺炎，醫咗一輪，現在好返，亦都多謝所有工作人員，多謝我哋啲樂隊、燈光，所有啲導演，大家最緊要身體健康、身壯力健，好似家燕姐咁捱得住！」
家燕姐補充話：「多謝監製，佢約我傾呢個節目時，佢諗起《家燕與小田》，咁我就即刻諗起要請Michael，請Michael出嚟時，佢仲????哦哦，佢上晒岸，做咩節目吖！佢又話費事喇！不過我話有你支持，個節目好睇好多......」
薛家燕練定歌做嘉賓
當日家燕姐和敏之帶了不少代言禮物，而小田哥就封了兩封現金利是，給大家抽獎。家燕姐話：「好開心！今（當）晚難得請到Michael出席，佢話佢都等咗好耐，想同我哋食餐飯，佢一見到我就問點解唔打鋪麻雀先？」胡仔話：「見到Michael哥氣色好好，型咗、弗咗，我哋頭先食完飯，話約定去Michael屋企。」家燕姐開心地說：「Michael話你哋嚟要帶啲嘢食，你知啦，佢鍾意食雪糕、蛋糕。」敏之話：「呢兩年幾我哋已經成為一家人，所以見到小田哥，我都好開心。放心，我一定會將你哋辛苦經營咁好嘅節目承傳落去。」
雖然家燕姐與胡仔已經完成使命，但兩人異口同聲表示有空會去做嘉賓，更笑指會練定歌先！