■祖兒送首《華麗邂逅》給求婚成功的歌迷。香港文匯報訊（記者 李思穎）容祖兒（Joey）演唱會前晚步進第17場，她繼續炮製精美演出外，更為歌迷締結良緣，原因當晚有粉絲「騎劫」個唱即場求婚成功，Joey以一曲《華麗邂逅》送上祝福。
前來捧場圈中人有古巨基、曾華倩、黃又南等。安哥環節時，觀眾席上傳來一陣騷動，Joey行近驚見一名女粉絲狂哭，Joey追問後知道有對情侶求婚，她笑說：「你騎劫我個場求婚。」但女歌迷就只係識得繼續喊，Joey就話：「係咪求婚？點解咁突然？畀我睇下你隻戒指大不大先，都OK喎，英皇珠寶？你係咪臥底呀。」然後Joey同女歌迷講，「戴左佢啦！ 錫啖先、打個茄輪先，恭喜晒！」女歌迷拿住花喊住向Joey講：「束花以為送畀你」，Joey話：「係屬於你㗎，我心領啦，我送首《華麗邂逅》畀你啦，祝你哋永結同心，恭喜晒生多幾個。」大家便拍掌祝賀。
每晚Joey必定登上「紅磡360」高空吊車跟歌迷卡拉OK，第一首歌就揀了《他都不愛我》，料不到與她合唱這曲的吳浩康（Deep）竟然坐在山頂位睇騷，Deep也不客氣拿着咪大方唱了一段，獲得不少掌聲。
當晚請來樂隊Supper Moment擔任嘉賓，經常「蝦碌」的Joey在台上開口夾着脷，講個「調」字時把主音Sunny嚇呆，原來他聽錯誤以為Joey「爆粗」，笑爆全場。