香港文匯報訊 關智斌（Kenny）日前作客TVB娛樂新聞台節目《StarTalk》，大談首踏紅館開個人演唱會感受。Kenny說：「冇諗過可以開個人演唱會，好dramatic，用坐過山車形容都啱，因為自己一直係組合出身，就算係都係諗住以組合形式上紅館舞台，上天嘅安排好奇妙，用另一個方式畀咗個舞台我，我會好好珍惜。現在rundown全部改晒，之前個主題比較開心，嘉年華feel，但已經唔work，我用咗一個星期諗點改動，決定用我呢次經歷呈現。」
提到嘉賓之一的張敬軒時，Kenny說：「希望可以邀請到佢做調音師，想叫佢攞啲好靚嘅咪，佢啲器材太靚，有時佢無啦啦會拎出嚟話Beyoncé用呢支。佢喺一班朋友中係最令人安心嗰個，大家會覺得如果有佢喺度會特別安心，所以呢兩場要佢嚟等我淡定啲。」
問到Kenny有否希望可再以BOY'Z名義再上紅館，他說：「永遠好難說不，我只可以話呢一刻暫時我唔知道，呢件事要一齊去發生，我心底裡亦希望有咁嘅一日。」
甜言冧「靚媽」余安安
此外，Kenny近日亦忙拍新片《任性的你》，飾演Kenny媽媽的余安安昨日上載一張「母子」合照，並留言：「同Kenny jam歌？﹗梗係唔係啦！係套新電影做我個仔！ #又有一個靚仔做我個仔 #攞住支$88,000嘅結他 #梗係要影返張相留念 #任性的你 #記得支持佢個演唱會呀。」Kenny則留言大賣口乖：「靚媽~已經掛住你。」Kenny好友張敬軒見狀竟提醒余安安留言道：「口甜舌滑，安安姐小心佢嘅糖衣炸彈。」Kenny也不是省油燈，搞笑反擊答：「咪走嚟做炸兩」。